ස්ටිග් කර්නල් මියයෑමට පෙර ඔහු මල් ශාලාවට කියා තිබුණේ සාමාන්‍ය මරණ දැන්වීමක් වෙනුවට “මම මිය ගියා” කියා පළකරන ලෙසය. වයස 92දී කර්නල් මහතා මිය ගිය විට එය පළවූයේ එලෙසය. එහි ඇති නිර්භීතකම සහ සරල බව නිසා ලොව වටා ප‍්‍රවෘත්ති පත‍්‍රවල අවධානයට එය ලක්විය. ඔහු බලාපොරොත්තුවූවාට වඩා ඔහුගේ වචන තුනේ මරණ දැන්වීම ජාත්‍යන්තර කුතුහලයට භාජනය විය.
යේසුස්වහන්සේ කුරුසිපත්වූ විට ස්වාමීන්වහන්සේගේ මරණ දැන්වීම “උන්වහන්සේ මිය ගියා” කියා පළවිය හැකි විය. එහෙත් දින තුනකට පසු “උන්වහන්සේ නැගී සිටියසේක!” කියා මුල් පිටුවේ පුවතකට එය වෙනස් වියහැකිව තිබිණි. අලුත් ගිවිසුමේ වැඩි කොටසක් ක‍්‍රිස්තුස්වහන්සේගේ නැවත නැගිටීමේ ප‍්‍රතිඵල ප‍්‍රකාශ කිරීමට සහ විස්තර කිරීමට යේදී ඇත. “මැරුණෙත්, එ් ඇර මළවුන්ගෙන් නැගිටුවනු ලැබුවෙත් දෙවියන්වහන්සේගේ දකුණු පැත්තෙහි සිට අප උදෙසා මැදහත්කම් කරන්නෙත් ක‍්‍රිස්තුස්වහන්සේය. ක‍්‍රිස්තුස්වහන්සේගේ පේ‍්‍රමයෙන් අප වෙන් කරන්නේ කවුද?… අපට පේ‍්‍රමකළාවූ තැනන්වහන්සේ කරණකොටගෙන අපි මේ සියල්ලේදී අතිශයින් ජයගන්නෝ වමුව” (රෝම 8:34-37).
යේසුස්වහන්සේගේ වචන තුනේ මරණ දැන්වීම ”උන්වහන්සේ මිය ගියසේක” යන්න ගැළවුම්කරුවාණන්හට ප‍්‍රශංසාවේ සදාකාලික කාව්‍යයක් ලෙස පරිවර්තනය වී තිබේ. උන්වහන්සේ නැගිට සිටිනසේක. ඇත්තෙන්ම නැගිට සිටිනසේක!
