මිරිදිය නොමැති ප්‍රදේශවල ගොවිතැන් කිරීම දුෂ්කරය. මෙම ගැටළුව විසඳීම සඳහා මුහුදු ජල හරිතාගාර සමාගම නව දෙයක් නිර්මාණය කරන ලදී. අප්‍රිකාවේ සෝමාලිලන්ඩ් වල සහ ඒ හා සමාන දේශගුණයක් ඇති වෙනත් රටවල “සිසිලන නිවාස” නිර්මාණය කර තිබේ. රැළි සහිත කාඩ්බෝඩ් වලින් සාදා ඇති බිත්ති වලට ඉහළින් ලුණු වතුර බැස යාමට සූර්ය බල පොම්ප මෙම සිසිලන නිවාස භාවිතා කරයි. සෑම කවුළුවකින්ම ජලය පහළට ගමන් කරමින් ලුණු ඉතිරි කර හරිියි. ඉතිරි මිරිදිය ජලයෙන් වැඩි ප්‍රමාණයක් ව්‍යුහය තුළ වාෂ්ප වන අතර එය පළතුරු සහ එළවළු භෝග සමෘධිමත් වන තෙතමනය සහිත ස්ථානයක් බවට පත්වේ.
පුරාණ ඉශ්‍රායලයට දෙවියන්වහන්සේ “වනයෙහි ගංගා සාදමින්” දිවැසිවර යෙසායා තුළින් “අලුත් දෙයක්” කිරීමට පොරොන්දු වූ සේක (යෙසායා 43:19). මෙම අලුත් දෙය ඊජීප්තු හමුදාවෙන් තම සෙනගව ගලවා ගැනීම සඳහා උන්වහන්සේ කළ පැරණි දේට වඩා වෙනස්ය. රතු මුහුදේ සිදුවීම මතකද? දෙවියන්වහන්සේට අවශ්‍ය වූයේ තම සෙනගට අතීතය සිහිපත් කිරීම මිස ඔවුන්ගේ ජීවිත වලට උන්වහන්සේගේ වර්තමාන මැදිහත් වීම යටපත් කිරීමට නොවේ (18 පදය). දෙවියන්වහන්සේ මෙසේ කී සේක : “බලව, මම අමුතු දෙයක් කරන්නෙමි. දැන් ඒක හටගන්නවා ඇත. නුඹලා ඒක නොදන්නහුද? මම කාන්තාරයෙහි පවා මාර්ගයක්ද ….. සාදන්නෙමි” (19 පදය).
අතීතය දෙස බැලීමෙන් දෙවියන්වහන්සේගේ සැපයුමට අපගේ ඇදහිල්ල ශක්තිමත් කළ හැකිය. නමුත් අතීතයේ ජීවත් වීම අද දෙවියන්වහන්සේගේ ආත්මය කරන සියලු නැවුම් දේවල් වලට අපව අන්ධ කළ හැකිය. උන්වහන්සේ දැනට ක්‍රියා කරන්නේ කෙසේද – උපකාර කරමින්, නැවත සකස් කරමින් සහ උන්වහන්සේගේ සෙනග දරා ගනිමින් යන්නේ කෙසේද කියා අපට පෙන්වන ලෙසට අපට දෙවියන් වහන්සේගෙන් ඉල්ලා සිටිය හැකිය. මෙම දැනුවත්භාවය ළඟ සහ දුරින් සිටින අන් අයගේ අවශ්‍යතා සපුරාලීම සඳහා උන්වහන්සේ සමග හවුල් වීමට අපට පුළුවන.
