මම විශේෂයෙන් ඇණවුම් කළ මේසයට අවශ්‍ය කොටස් පෙට්ටියෙන් ඉවතට ගෙන ඒවා මා ඉදිරියේ තැබීමෙන් පසුව යම් දෙයක් නිවැරදි නොවන බව මම දුටුවෙමි. මේසයේ අලංකාර ලෑල්ල සහ අනෙකුත් කොටස් සඳහා ගණන් බලා ඇතත් එහි එක් පාදයක් අතුරුදහන් වී තිබුණි. කකුල් සියල්ලම සම්පූර්ණ නොමැති නිසා මට මේසය එකලස් කිරීමට නොහැකි වූ අතර එය නිෂ්ඵල විය.
මේසයක වැදගත් කෑල්ලක් නැති වූ විට එය වැඩක් නැති එකක් පමණක් වන්නේය. 1 කොරින්ති පොතේ පාවුල් තම පාඨකයන්ට එක් අත්‍යවශ්‍ය අංගයක් මග හැරී ඇති බව මතක් කර දුන්නේය. කොරින්ති සභාවේ ඇදහිලිවන්තයන්ට බොහෝ අධ්‍යාත්මික ත්‍යාග තිබූ නමුත් ප්‍රේමය නොතිබුණි.
ඔහුගේ අදහස අවධාරණය කිරීම සඳහා එය ගැන වඩා අවධානයක් ඇති කරමින් පාවුල් ලියා ඇත්තේ තම පාඨකයන්ට “සියලු” දැනුම තිබුණත් ඔවුන් සතු “සියලු දේ” ලබා දුන්නත් සහ ඔවුන් කැමැත්තෙන් දුෂ්කරතා විඳ දරා ගත්තත් එම ක්‍රියාවන් තුළ ප්‍රේමය පදනම් නොවූයේ නම් ඔවුන්ගේ සියලු ක්‍රියාවන් නිෂ්ඵල වනු ඇති බවයි (1 කොරින්ති 13:1-3). සෑම විටම ආරක්‍ෂා කරන විශ්වාස කරන බලාපොරොත්තු ඇති කරවන සහ නොපසුබට වන ප්‍රේමයක සුන්දරත්වය ඉස්මතු කර විස්තර කරමින් පාවුල් ඔවුන්ව දිරිමත් කළේ ඔවුන්ගේ ක්‍රියාවන් සෑම විටම ප්‍රේමයෙන් පුරවන ලෙසටය (4-7 පද).
සමහර විට අපගේ ඇදහිලි ප්‍රජාවන්ට ඉගැන්වීමට දිරිගැන්වීමට හෝ සේවය කිරීමට අපි අපගේ ආත්මික දීමනාව භාවිතා කරන විට දෙවියන්වහන්සේ නිර්මාණය සෑම විටම ප්‍රේමය ඉල්ලා සිටින බව මතක තබා ගනිමු. එසේ නොමැති නම් එය කකුලක් නැති මේසයක් මෙනි. එයට එය නිර්මාණය කළ සැබෑ අරමුණ ඉටු කර ගත නොහැක.
