කෙවින් සහ කිම්බර්ලිට එය භයානක සතියක් විය. කෙවින්ගේ ආබාධය හදිසියේම නරක අතට හැරුණු අතර ඔහුව රෝහල් ගත කිරීමට සිදුවිය. වසංගතය මධ්‍යයේ, ඔවුන්ගේ කුඩා දරුවන් හතර දෙනා – කැපකරු රැකවරණයෙන් හදාගත් සහෝදර සහෝදරියන් – කැබින් උණ (නොහොත් ශීත ඍතුවේ දී ගෘහස්ථව දිගු කලකට සිටීමෙන් හෝ හුදකලා වීමෙන් ඇතිවන) නව අන්තයකට ගොස් තිබුණි. ඊට අමතරව, කිම්බර්ලිට ශීතකරණයෙන් හොඳ ආහාර වේලක් ලබා ගැනීමට නොහැකි විය. පුදුමයට කරුණක් නම්, ඒ මොහොතේ ඇය කැරට් වලට ආශා වීමය.
පැයකට පසු දොරට තට්ටු කරන හඩක් ඇසුණි. එහි ඔවුන්ගේ මිතුරන් වන ඇමැන්ඩා සහ ඇන්ඩි විසින් මුළු පවුලටම සූදානම් කළ, කැරට් ඇතුළු සම්පූර්ණ ආහාර වේලක් සමඟ පැමිණ සිටියහ.
සමහර අය පවසන්නේ යක්ෂයා සුළු දේවල් වල පවා සිටින බවයි? එසේ නොවේ. යුදෙව් ජනතාවගේ ඉතිහාසයේ පුදුම කතාවකින් පෙන්නුම් කරන්නේ දෙවියන්වහන්සේ කුඩා දේවල් තුළ පවා සිටින බවයි. “උපදින්නාවූ සියලු පුත්‍රයන් ගඟේ දමන්නැයි” පාරාවෝ නියෝගක් පළ කර තිබුණි (නික්මයාම 1:22). එම ජන සංහාරක වර්ධනය කැපී පෙනෙන දෙයක් මත යොමු විය. මෝසෙස්ගේ මව උපාය මාර්ගයකින් වුවද, ඇත්තෙන්ම තම දරුවාව නයිල් ගඟට “විසි” කළාය. නයිල් නදියේ සිට, පාරාවෝගේම දියණිය විසින් දෙවියන්වහන්සේ තම සෙනඟව ගලවා ගැනීමට භාවිතා කළ බිළිඳාව බේරා ගනු ඇත. ඇය මෝසෙස්ගේ මවට කිරි දීමට පවා මුදලින් ගෙවීමක් කළාය! (2:9).
මෙම නවක ජුදෙව් ජාතියෙන් දිනක් පොරොන්දු වූ පරිදි පිරිමි දරුවෙකු පැමිණෙනු ඇත. උන්වහන්සේගේ කථාව විශ්මයජනක විස්තර සහ දිව්‍යමය කරුණු වලින් බහුල වනු ඇත. වැදගත්ම දෙය නම්, යේසුස්වහන්සේ විසින් පාපයේ වහල්භාවයෙන් නික්මයාමක් අපට ලබා දෙනු ඇත යන්නයි.
විශේෂයෙන් අඳුරු කාලවලදී පවා දෙවියන්වහන්සේ කුඩා දේවල සිටින සේක. කිම්බර්ලි ඔබට කියන පරිදි, ”දෙවියන්වහන්සේ මට කැරට් ගෙනාවා!” යන්නයි.
