හිම ආශ්‍රිත අනතුරු ගැන මිනිත්තු පහක එකතුවක් රූපවාහිනී වැඩසටහනක එක් කථාංගයක කේන්ද්‍රීය කොටස විය. මිනිසුන් වහලේ තිබෙන හිම මත ලිස්සා යාම, වස්තූන් මත ගැටී සිදුවන නළ අනතුරු සහ අයිස් මත ලිස්සා යාම වැනි ක්‍රියාවන්ට වීඩියෝ චිත්‍රාගාර ප්‍රේක්ෂකයින්ගෙන් සහ නිවසේ නරඹන ප්‍රේක්ෂකයින්ගෙන් සිනහවක් සහ අත්පොළසන් නාදයක් ගෙන ආවෝය. සිනහව වඩාත් උස් හඬින් නැඟුණේ ඔවුන්ගේම අඥානවන්ත හැසිරීම නිසා සිදු වූ අනතුරු බව පෙනී ගිය විටය.
විනෝදජනක වීඩියෝ නරක දෙයක් නොවේ, නමුත් ඒවාට අප ගැන යමක් හෙළි කළ හැකිය: අප සිනාහ සීමට හෝ අන් අයගේ දුෂ්කරතාවලින් ප්‍රයෝජන ගැනීමට හෝ නැඹුරු විය හැකිය. එදිරිවාදී ජාතීන් දෙකක් වන ඊශ්‍රායෙලය සහ ඒදොම් ගැන ඔබදියාහි එවැනි එක් කතාවක් වාර්තා වී ඇත. ඊශ්‍රායෙල්වරුන්ගේ පාපයට දඬුවම් කිරීම සුදුසු බව දෙවියන්වහන්සේ දුටු විට ඒදොම් ප්‍රීති විය. ඔවුන් ඊශ්‍රායෙල්වරුන්ගෙන් ප්‍රයෝජන ගත්තෝය, එසේ කළේ ඔවුන්ගේ නගර කොල්ලකමින්, ඔවුන්ගේ පලායාම වළක්වමින් සහ ඔවුන්ගේ සතුරන්ට සහාය ලබා දෙමින්ය (ඔබදියා 1:13-14). අනාගතවක්තෘ ඔබදියා මාර්ගයෙන් ඒදොම් වෙත අනතුරු ඇඟවීමේ වචනයක් පැමිණියේය: “ යූදා පුත්‍රයන්ගේ විනාශවීමේ දවසේදී ඔවුන් ගැන ප්‍රීති නොවන්න”, ”මක්නිසාද සියලු ජාතීන්ට විරුද්ධව තිබෙන ස්වාමීන්වහන්සේගේ දවස ළංව තිබේ” (12, 15 පද).
අපි අන් අයගේ අභියෝග හෝ දුක් වේදනා දකින විට, ඔවුන් එය තමන්ටම ගෙන ආ බවක් පෙනෙන්නට තිබුණත්, අපි ආඩම්බරයට වඩා අනුකම්පාව තෝරා ගත යුතුය. අන් අයව විනිශ්චය කිරීමට අපට අවසර නැත. එය කිරීමට පුළුවන් වන්නේ දෙවියන්වහන්සේට පමණි. මේ ලෝකයේ රාජ්‍යය අයිති වන්නේ උන්වහන්සේටය (21 පදය). යුක්තිය සහ දයාවේ බලය ඇත්තේ උන්වහන්සේට පමණි.
