1979 දී පුරාවිද්‍යාඥ ගේබ්‍රියෙල් බාර්කේ කුඩා රිදී ලියවිලි දෙකක් සොයා ගන්නා ලදී. ලෝහ ලියවිලි සියුම් ලෙස දිග හැරීමට වසර ගණනාවක් ගත වූ අතර, ඒ සෑම එකක්ම හෙබ්‍රෙව් භාෂාවෙන් කැටයම් කරන ලද ගණන් කතාවේ 6:24-26 දක්වා වූ ආශීර්වාද අඩංගු වූ බව සොයා ගන්නා ලදී. “ස්වාමීන්වහන්සේ නුඹට ආශීර්වාදකොට නුඹ ආරක්ෂාකරනසේක්වා. ස්වාමීන්වහන්සේ ස්වකීය මුහුණ නුඹ කෙරෙහි බබළවා නුඹට කරුණාකරනසේක්වා. ස්වාමීන්වහන්සේ ස්වකීය මුහුණ නුඹ කෙරෙහි ඔසවා නුඹට සමාදානය දෙනසේක්වා”. විද්වතුන් එම ලියවිලි ක්‍රි.පූ. දහහත යැයි කාල නිර්ණය කර ඇත. ඒවා ලෝකයේ පැරණිතම ශුද්ධ ලියවිලි කොටස් වේ.

ඒ හා සමානව සිත්ගන්නා සුළු දෙය වන්නේ ඒවා සොයාගත් ස්ථානයයි. බාර්කේ හින්නොම් නිම්නයේ ගුහාවක කණිමින් සිටි අතර, මෙය අනාගතවක්තෘ යෙරෙමියා යූදා වැසියන්ට, ඔවුන් තම දරුවන් බිලි දුන් නිසා දෙවියන්වහන්සේ ඔවුන්වද මරා දමන බව පැවසූ ස්ථානයම වීමය (යෙරෙමියා 19:4-6). මෙම නිම්නය කෙතරම් දුෂ්ටකමේ ස්ථානයක් වූවාද යත්, යේසුස්වහන්සේ “ගෙහෙන්නා” යන වචනය නිරයේ පින්තූරයක් ලෙස භාවිතා කළේය (මතෙව් 23:33) (හෙබ්‍රෙව් භාෂාවෙන් “හින්නොම් නිම්නය” යනු  ග්‍රීක භාෂාවෙන් “ගෙහෙන්නා” යන නාමයයි).

මෙම ස්ථානයේදී යෙරෙමියා තම ජාතියට දෙවියන්වහන්සේගේ විනිශ්චය ප්‍රකාශ කරන කාලයෙදී යමෙක් උන්වහන්සේගේ අනාගත ආශිර්වාදයන් ඔතාගත් රිදී ලියවිලි මත කැටයම් කරමින් සිටියේය. එය ඔවුන්ගේ ජීවිත කාලය තුළ සිදු නොවන දෙයක් වූවත්, එක් දිනකදී — බබිලෝනියානු ආක්‍රමණයේ අනෙක් පැත්තේදී – දෙවියන්වහන්සේ විසින් උන්වහන්සේගේ සෙනඟ දෙසට උන්වහන්සේගේ මුහුණ හරවා ඔවුන්ට සමාදානය දෙනු ලබන සේක.

අපට ලැබෙන පාඩම පැහැදිලිය. අප ලැබිය යුතු විපාකය කෙසේ වුවත්, එය අප වෙත පැමිණෙන විටදී අපට දෙවියන්වහන්සේගේ පොරොන්දුවට ඇලී සිටිය හැකිය. උන්වහන්සේගේ හදවත නිතරම උන්වහන්සේගේ ජනතාව කෙරෙහි ආශාවක් දක්වන සේක.