විලියම් ෂේක්ස්පියර් උපහාසයේ ප්‍රවීණයෙක් වූ අතර, නළු බැරී ක්‍රාෆ්ට් ෂේක්ස්පියර් උපහාස උත්පාදක යන්ත්‍රය නැමැති තම පොතේ අනර්ඝ ලෙස ඒවා භාවිතා කළේය. මෙම අනර්ඝ පොත සමන්විත වන්නේ ෂේක්ස්පියර්ගේ නාට්‍යවලින් ලබාගත් නොපැහැදිලි උපහාස වලින් ය. නිදසුනක් වශයෙන්, “කපටියා, ඔබ අදක්ෂ කයිවාරු කාරයෙක් විතරයි!” යැයි පවසන්නේ නැතුව, කාව්‍යමය භාෂාවෙන් එය ප්‍රකාශ කරයි. එනම්, සාමාන්‍යය වචන වලට වඩා බොහෝ නිර්මාණශීලීව නොපැහැදිළි ලෙස යමෙකු අවමානයට ලක් කළ හැකිය.

ක්‍රාෆ්ට්ගේ මෙම පොත හොඳ විනෝදජනක එකක් වුනි. නමුත් මෝවබ්හි පුරාණ රජෙක් අද්භූත අනාගතවක්තෘවරයෙකුට මුදල් ගෙවීමට උත්සාහ කළේ හුදෙක් ඊශ්‍රායෙල්වරුන්ට උපහාස කිරීමට නොව ඔවුන්ට සම්පූර්ණයෙන්ම ශාප කිරීමටයි. “මේ සෙනඟට ශාපකළ මැනවි” කියා බාලාක් රජු බාලාම්ට කීවේය (ගණන් කථාව 22:6). ඒ වෙනුවට, බාලාම් හෙබ්‍රෙව් ජනයාට කිහිප වතාවක්ම ආශීර්වාද කිරීමෙන් රජු කෝපයට පත් කළේය (24:10). ඔහුගේ එක් ආශීර්වාදයකට මෙම අනාවැකිය ඇතුළත් විය: “මම උන්වහන්සේ දකිමි, එහෙත් දැන් නොවේ. මම උන්වහන්සේ බලමි, එහෙත් ළඟදීම නොවේ” (24:17). මෙම පුද්ගලයා තවමත් දර්ශනය වී නැති බවට ඉතා පැහැදිලිය, නමුත් බාලාම් කතා කරන්නේ කා ගැනද? ඊළඟ පේළියේ ඉඟියක් ඇත්තේය. “යාකොබ්ගෙන් තාරකාවක් නික්මෙන්නේය, ඉශ්‍රායෙල්ගෙන් ජයකොන්තයක් නැගී එන්නේය” යනුවෙනි (17 පදය). “උන්වහන්සේගේ තාරකාව” යම් දිනක ප්‍රඥාවන්ත මිනිසුන්ව පොරොන්දු වූ දරුවා වෙත ගෙන යනු ඇත (මතෙව් 2:1-2).

මෙසියස්තුමා ගැන කිසිවක් නොදැන සිටි පුරාණ මෙසපොතේමියානු අනාගතවක්තෘවරයෙක් උන්වහන්සේගේ පැමිණීම ගැන ප්‍රකාශ කරන අනාගත ලකුණක් ලෝකයට පෙන්වා දුන්නේය. අසම්භාව්‍ය මූලාශ්‍රයෙන් පැමිණියේ ශාපය නොව ආශීර්වාදයයි.