1957 සම්භාව්‍ය චිත්‍රපටියක් වූ 12 Angry Men නොහොත් කෝපාවිෂ්ඨ මිනිසුන් 12 යන්නෙහි “එක් මිනිසෙක් මිය ගොස් ඇත. තවත් මිනිසෙකුගේ ජීවිතය අනතුරේ” යැයි විනිසුරුවරයා ශෝකජනක ලෙස පවසයි. තරුණ සැකකරුට එරෙහි සාක්ෂි අතිමහත් බව පෙනේ. නමුත් සාකච්ඡා අතරතුර හෙළිදරව් වූයේ ජූරියේ බිඳවැටීමයි. දොළොස් දෙනාගෙන් – ජූරි සභික අංක 8 – ”වැරදිකාරයෙක් නොවේ” යයි ඡන්දය දුන්නේය. හුදකලා ජූරි සභිකයා සාක්ෂියේ පරස්පරතා පෙන්වා දෙන විට ඔහුව සමච්චලයට ලක් කරන උණුසුම් විවාදයක් ඇති වුනි. එහිදී හැඟීම් උත්සන්න වූයේ ජූරි සභිකයන්ගේම මිනීමරු සහ අගතිගාමී ප්‍රවණතා එළිදරව් වූ හෙයිනි. ජූරි සභිකයන් එකින් එකා තම ඡන්දය “වැරදිකාරයෙක් නොවේ” යන තීරණයට මාරු කළෝය.
නව ඊශ්‍රායෙල් ජාතියට දෙවියන්වහන්සේ තම උපදෙස් දුන් විට, උන්වහන්සේ අවංක ධෛර්යයක් ඉල්ලා සිටි සේක. එනම්, “විනිශ්චය පෙරළන පිණිස කාරණයකදී සමූහයකට පක්ෂව සාක්ෂි නොදෙන්න” (නික්මයාම 23: 2). සිත්ගන්නා කරුණ නම්, “දිළිදෙකුටත් ඔහුගේ නඩුවේදී පක්ෂ නොවන්න .. දුප්පත් පුද්ගලයෙකුට අනුග්‍රහය දැක්වීම” (3 පදය) හෝ “ඔබේ දුප්පතුන්ට යුක්තිය ප්‍රතික්ෂේප කිරීම”හෝ උසාවිය නොකළ යුතු වන්නේය (6 පදය). ධර්මිෂ්ඨ විනිශ්චයකරු වන දෙවියන්වහන්සේ අපගේ සියලු කටයුතුවලදී අපගේ අවංකකම අපේක්ෂා කරන සේක.
12 Angry Men නොහොත් කෝපාවිෂ්ඨ මිනිසුන් 12 යන චිත්‍රපටයේ හි, වැරදිකරු නොවන බවට ඡන්දය දුන් දෙවන ජූරි සභිකයා පළමුවැන්නා ගැන පැවසුවේ, “අන් අයගේ සමච්චලයට එරෙහිව තනිව නැගී සිටීම පහසු නැත.. එහෙත් දෙවියන්වහන්සේ ඉල්ලා සිටින්නේ එයයි. ජූරි සභික අංක 8 සැබෑ සාක්ෂි මෙන්ම නඩු විභාගයේදී පුද්ගලයාගේ මනුෂ්‍යත්වය ද දුටුවේය” යනුවෙනි. උන්වහන්සේගේ ශුද්ධාත්මයාණන්ගේ මෘදු මග පෙන්වීමෙන්, අපටද දෙවියන්වහන්සේගේ සත්‍යය වෙනුවෙන් පෙනී සිටීමටත්, බල රහිත අය වෙනුවෙන් කතා කිරීමටත් හැකිය.
