මැර කල්ලියක් විසින් පැහැරගෙන ගිය මිෂනාරිවරුන් දාහතක් ගැන 2021 ප්‍රවෘත්ති වාර්තාවක සඳහන් විය. ඔවුන්ගේ කප්පම් ඉල්ලීම් ඉටු නොකළහොත් ළමයින් ඇතුළුව මුළු කණ්ඩායම මරා දමන බවට කල්ලිය තර්ජනය කළහ. ඇදහිය නොහැකි ලෙස, සියලුම මිෂනාරිවරුන් නිදහස් කර හෝ එතනින් පැන පලා ගියෝය. ආරක්ෂා ස්ථානයන්ට ළඟා වූ පසුව, ඔවුන් අල්ලාගත් අයට මෙවැනි පණිවිඩයක් යැව්වේය: එනම්, “යේසුස්වහන්සේ අපට වචනයෙන් සහ උන්වහන්සේගේම ආදර්ශයෙන් ඉගැන්වූයේ සමාව දෙන ප්‍රේමයේ බලය ප්‍රචණ්ඩ බලවේගයේ වෛරයට වඩා බලවත් බවය. එබැවින් අපි ඔබට සමාව දෙන්නෙමු” කියාය.
සමාව දීම බලවත් බව යේසුස්වහන්සේ පැහැදිලිව දැක්වූ සේක. උන්වහන්සේ පැවසුවේ, “මක්නිසාද නුඹලා මනුෂ්‍යයන්ට ඔවුන්ගේ වරද කමාකරන්නහු නම්, නුඹලාගේ ස්වර්ගීයවූ පියාණන්වහන්සේ නුඹලාටත් කමාකරනසේක” (මතෙව් 6.14) යනුවෙනි. පසුව, පේත්‍රැස්ට පිළිතුරු දෙමින්, අප කොපමණ වාරයක් සමාව දිය යුතුදැයි ක්‍රිස්තුස්වහන්සේ අපට කීසේක: “සත්වරක් නොව සැත්තෑවර සත්වරක් යයි කියමි” (18:22; 21-35 පද බලන්න). තවද කුරුසියේදී, “පියාණෙනි, ඔවුන්ට කමාවුව මැනව; මක්නිසාද ඔවුන් කරන්නේ මොකද කියා ඔවුහු නොදනිතියි” (ලූක් 23:34) යනුවෙන් යාච්ඤා කළ විට, කුරුසියේදී උන්වහන්සේ දේව සමාව ප්‍රදර්ශනය කළ සේක.
දෙපාර්ශවයම සුවය සහ සංහිඳියාව කරා ගමන් කරන විට සමාව දීම උපරිමයෙන් ඉෂ්ට කරගත හැකිය. එය සිදු කරන ලද හානියේ ප්‍රතිවිපාක හෝ වේදනාකාරී හෝ සෞඛ්‍ය සම්පන්න නොවන සබඳතා ආමන්ත්‍රණය කරන්නේ කෙසේද යන්න පිළිබඳව විමසිලිමත් වීමේ අවශ්‍යතාවය හෝ ඉවත් නොකරන නමුත්, එය නැවත යථා තත්ත්වයට පත් කිරීමට හෝ හේතු වන දෙවියන්වහන්සේගේ ප්‍රේමය සහ බලයට සාක්ෂි දරයි. උන්වහන්සේගේ ගෞරවය සඳහා “සමාව දිගු කිරීමට” ක්‍රම සොයමු.
