ඉතිහාසයේ ඕනෑම කෙනෙකුට වඩා දුරින් ඊතලයක් විදීමේ අභිලාෂය තිබූ ඉංජිනේරුවෙකු විසින් 2021 දී, වාර්තාගතව තිබූ අඩි 2,028 ඉලක්ක කර ගත්තේය. ලුණු තට්ටුවක් මත ඔහු වැතිර සිටියදී, ඔහු පෞද්ගලිකව නිර්මාණය කරන ලද පා දුන්නෙහි දුනු පිටුපසට ඇද, ඔහු සැතපුමකට (අඩි 5,280) වඩා නව වාර්තාගත දුරකට ඊතලය විදීමට බලාපොරොත්තුවෙන් දියත් කිරීමට සූදානම් විය. ගැඹුරු හුස්මක් ගනිමින් ඔහු ඊතලයට පියාසර කිරීමට ඉඩ දුන්නේය. එය සැතපුමක් ගමන් කළේ නැත. ඇත්ත වශයෙන්ම, එය අඩියකටත් වඩා අඩුවෙන් ගමන් කර ඊතලය දියත් වුයේ ඔහුගේම පාදයට වන අතර සැලකිය යුතු හානියක්ද සිදු විය. අපොයි!
සමහර විට අපටද නොමඟ ගිය අභිලාෂයන් නිසා “අපේම පාදයට වෙඩි තබා ගත හැකිය”. යාකොබ් සහ යොහන් අභිලාෂකාමී ලෙස හොඳ දෙයක් සෙවීමේ තේරුම දැන සිටියහ, නමුත් එසේ කළේ වැරදි හේතු නිසාය. ඔව්හු “ඔබගේ තේජසේදී එක්කෙනෙක් ඔබගේ දකුණු පැත්තේද එක්කෙනෙක් වම් පැත්තේද ඉඳ ගන්නට අපට වර දුන මැනව” කියා යේසුස්වහන්සේගෙන් ඉල්ලා සිටියෝය (මාර්ක් 10:37). යේසුස්වහන්සේ තම ගෝලයන්ට පවසා තිබුණේ ඔවුන් “ඉශ්‍රායෙල්ගේ ගෝත්‍රයන් දොළොස විනිශ්චය කරමින් සිංහාසන දොළොසක් පිට හිඳින්නහුය” කියාය (මතෙව් 19:28), එබැවින් ඔවුන් මෙම ඉල්ලීම කිරීමට හේතුව වටහා ගැනීමට පහසුය. නමුත් ගැටලුව වන්නේ කුමක්ද? ඔවුන් ආත්මාර්ථකාමී ලෙස ක්‍රිස්තුස් වහන්සේගේ මහිමය තුළ තමන්ගේම උසස් තත්ත්වය සහ බලය සොයමින් සිටියහ (මාර්ක් 10:38). එමෙන්ම, “නුඹලා අතරේ උතුම් වෙන්ට කැමති කවරෙක් නුමුත් නුඹලාගේ සේවකයා වන්නේය” (43 පදය) කියා කී සේක.
ක්‍රිස්තුස්වහන්සේ උදෙසා යහපත් හා උතුම් දේ කිරීමට අප අරමුණු කරන විට, උන්වහන්සේ හොඳින් කළ ආකාරයටම නිහතමානීව අන් අයට සේවය කිරීමට අපි උන්වහන්සේගේ ප්‍රඥාව සහ මඟපෙන්වීම සොයමු (45 පදය).
