මම මගේ මව සමඟ ගැටුමක් ඇති කර ගත් පසු, ඇය අවසානයේ මගේ නිවසට පිටින් පැයකට වඩා වැඩි දුරකින් පිහිටි ස්ථානයක මා හමුවීමට එකඟ විය. නමුත් මම එහි පැමිණි විට, මම එහි යාමට පෙර ඇය පිටත්ව ගොස් ඇති බව මට පෙණුනි. කෝපයෙන් පිරුණු මම ඇයට සටහනක් ලිව්වෙමි. නමුත් ආදරයෙන් ප්‍රතිචාර දැක්වීමට දෙවියන්වහන්සේ මාව පොළඹවන බව දැනුණු පසු මම එය වෙනස් කළෙමි. මගේ වෙනස් කරන ලද පණිවිඩය කියවූ පසු, අම්මා මට කතා කළාය. “ඔබ වෙනස් වී ඇත,” ඇය පැවසුවාය. මගෙන් යේසුස්වහන්සේ ගැන ඇසීමට මගේ මවට මග පෙන්වීමට දෙවියන්වහන්සේ මගේ සටහන භාවිතා කළ අතර, අවසානයේදී උන්වහන්සේව ඇගේ පුද්ගලික ගැළවුම්කරුවා ලෙස පිළිගැනීමටද ඇයට මඟ පෙන්වූ සේක.
මතෙව් 5 හි, යේසුස්වහන්සේ තම ගෝලයන් ලෝකයේ ආලෝකය බව තහවුරු කරන සේක (14 පදය). උන්වහන්සේ පැවසුවේ, “එසේම මනුෂ්‍යයන් විසින් නුඹලාගේ යහපත් ක්‍රියා දැක ස්වර්ගයෙහි සිටින නුඹලාගේ පියාණන්වහන්සේට ගෞරව කරන පිණිස නුඹලාගේ ආලෝකය ඔවුන් ඉදිරියේ බබළාවා” (16 පදය) යනුවෙනි. අපි ක්‍රිස්තුස් වහන්සේ අපගේ ගැළවුම්කරුවා ලෙස පිළිගත් කෙණෙහිම අපට ශුද්ධාත්මයාණන්ගේ බලය ලැබෙනු ඇත. අප යන ඕනෑම තැනක දෙවියන්වහන්සේගේ සත්‍යයේ සහ ප්‍රේමයේ දීප්තිමත් සාක්ෂිකරුවන් වීමට හැකි වන පරිදි උන්වහන්සේ අපව පරිවර්තනය කරන සේක.
ශුද්ධාත්මයාණන්ගේ බලය තුළින්, අපට සෑම දිනකම යේසුස්වහන්සේ මෙන් වඩ වඩාත් පෙනෙන, බලාපොරොත්තුවේ සහ සාමයේ ප්‍රීතිමත් ආලෝකයන් විය හැකිය. එවිට අප කරන සෑම යහපත් ක්‍රියාවක්ම කෘතඥපූර්වක නමස්කාර ක්‍රියාවක් බවට පත් වන අතර අන් අයට ආකර්ශනීය ලෙස පෙනෙන සහ එය ඉතාමත් ශක්තිමත් සහ උද්‍යෝගිමත් ඇදහිල්ලක් ලෙස සැලකිය හැකිය. ශුද්ධාත්මයාණන්ට යටත් වී, පුත්‍රයාණන් වන යේසුස්වහන්සේගේ ආලෝකය පිළිබිඹු කිරීමෙන් අපට පියාණන්වහන්සේට ගෞරවය ලබා දිය හැකිය.
