“කුරුලු පැටවුන් හෙට පියාසර කරයි!” අපේ ඉදිරිපස ආලින්දයේ එල්ලෙන කූඩයක කුරුලු පවුලක් ලබමින් සිටින ප්‍රගතිය ගැන මගේ බිරිඳ කැරි සතුටු වූවාය. කුරුළු අම්මා කැදැල්ලට කෑම ගෙන එන අයුරු ඡායාරූප ගනිමින් මගේ බිරිඳ දිනපතා ඔවුන් දෙස බලා සිටියාය.
කැරි පසුදා උදෑසනම අවදි වූයේ ඔවුන් ගැන බැලීමටය. ඇය කූඩුව ආවරණය කරමින් තිබූ කොළ පැහැති කොළ කිහිපයක් පසෙකට තල්ලු කළාය. නමුත් කුරුලු පැටවුන් දැකීම වෙනුවට සර්පයෙකුගේ පටු දෑස් ඇයට හමු විය. සර්පයා සිරස් බිත්තියක් තරණය කර, කූඩුව තුළට රිංගා, ඔවුන් සියල්ලන්ම ගිල දමා තිබුණි.
කැරි හිත් කම්පා වී සහ කෝපයට පත් වුවාය. මම නගරයෙන් පිටත ගොස් සිටි හෙයින්, සර්පයා ඉවත් කිරීමට ඇය මිතුරෙකුට කතා කළාය. නමුත් හානිය සිදු වී තිබුණි.
විනාශය උගේ මාර්ගයේ තබා ගත් තවත් සර්පයෙකු ගැන ශුද්ධ ලියවිල්ලේ සඳහන් කර ඇත. දෙවියන්වහන්සේ විසින් එක්තරා ගසක ගෙඩි නොකන ලෙසට ඒවට කරන ලද අනතුරු ඇඟවීමට එරෙහිව ඇයව රවටමින් ඒදන් උයනේ සිටි සර්පයා : “නුඹලා ඇත්තටම නසින්නේ නැත, මක්නිසාද නුඹලා එයින් කන දවසෙහි නුඹලාගේ ඇස් ඇරෙන බවත් නුඹලා යහපත හා නපුර දැනගෙන දෙවියන්වහන්සේට සමාන වන බවත්, දෙවියන්වහන්සේ දන්නා සේකැයි ස්ත්‍රීට කීය” (උත්පත්ති 3:4-5).
ඒව සහ ආදම් දෙවියන්වහන්සේට අකීකරු වීමේ ප්‍රතිඵලයක් ලෙස පාපය සහ මරණය ලෝකයට ඇතුළු වූ අතර, “…යක්ෂයාද සාතන් ද වූ පුරාණ සර්පයා” විසින් කරන ලද වංචාව දිගටම පවතියි (එළිදරව් 20:2). නමුත් යේසුස්වහන්සේ පැමිණියේ “යක්ෂයාගේ ක්‍රියා විනාශ කරන පිණිසය” (1 යොහන් 3:8). එසේම, උන්වහන්සේ තුළින් අපි දෙවියන්වහන්සේ සමඟ සබඳතාවයට නැවත පැමිණියෙමුව. දිනෙක, උන්වහන්සේ “සියල්ල අලුත් කරමියි” කී සේක (එළිදරව් 21:5).
