ග්‍රේන්ජර් මැක්කෝයි යනු කුරුල්ලන් අධ්‍යයනය කරන සහ උන්ගේ අලංකාරය, අවදානම සහ බලය අසුකර ගන්නා මූර්ති කරන කලාකරුවෙකි. ඔහුගේ එක් නිර්මාණයක් නම් කර ඇත්තේ ‘රිකවරි‘ (සුවය) යනුවෙනි. එය, සිරස් ස්ථානයක ඉහළට දිගු කර ඇති ‘පින්ටේල්‘ තාරාවෙකුගේ තනි දකුණු තටුව පෙන්වයි. පහතින්, සමරු ඵලකයක් කුරුල්ලාගේ ප්‍රකෘති ආඝාතය විස්තර කරන්නේ “පියාසර කරන විට කුරුල්ලාගේ ලොකුම දුර්වලතාවයේ මොහොත, නමුත් එය ඉදිරි ගමන සඳහා ශක්තිය රැස් කරන මොහොත” ලෙසයි. ග්‍රේන්ජර්, මෙම පදය අතුලත් කරන්නේය: “මාගේ කරුණාව නුඹට සෑහේය. මක්නිසාද දුර්වලකමේදී මාගේ බලය සම්පූර්ණ වන්නේය” (2 කොරින්ති 12:9).
අපෝස්තලු පාවුල් මෙම වචන කොරින්තියේ සභාවට ලිවීය. පෞද්ගලික අරගල වලින් යටපත් වූ සමයක් විඳදරා ගනිමින්, පාවුල් දෙවියන්වහන්සේගෙන් අයැද සිටියේ “උලක් මාගේ මාංසයෙහි මට දෙන ලද්දේය” ලෙස විස්තර කරන ලද දෙය ඉවත් කරන ලෙසයි (7 පදය). ඔහුගේ පීඩාව ශාරීරික ආබාධයක් හෝ අධ්‍යාත්මික විරුද්ධත්වයක් හෝ විය හැකිය. කුරුසි පත්වීමට පෙර දින රාත්‍රියේ උයනේදී යේසුස්වහන්සේ කළාක් මෙන් (ලූක් 22:39-44), පාවුල් නැවත නැවතත් දෙවියන්වහන්සේගෙන් ඉල්ලා සිටියේ ඔහුගේ දුක් වේදනා ඉවත් කරන ලෙසයි. ශුද්ධාත්මයාණන් ප්‍රතිචාර දැක්වූයේ අවශ්‍ය ශක්තිය ලබා දෙන බවට ඔහුට සහතික වීමෙනි. “මක්නිසාද මම දුර්වලව සිටින කළ ශක්තිමත්ව සිටිමි” (2 කොරින්ති 12:10) යන්න පාවුල් ඉගෙන ගත්තේය.
අහෝ, අපි මේ ජීවිතයේ අත්විඳින කරදර! කුරුල්ලෙකු ඉදිරි ගමන සඳහා ශක්තිය එක්රැස් කරන්නාක් මෙන්, අප මුහුණ දෙන දේ සඳහා අපට දෙවියන්වහන්සේගේ ශක්තිය එක්රැස් කළ හැකිය. උන්වහන්සේගේ ශක්තිය තුළ අපි අපේම ශක්තිය සොයා ගනිමු.
