අනුග‍්‍රහයේ ත්‍යාගය: දෙවියන්වහන්සේ දැනගැනීමට මට පුළුවන
උතුරු නව එංගලන්තයේ ශීත සෘතු කඳවුරකදී එක් අයෙකු ඇසුවේ “ඔබට ලැබුනාවූ හොඳම නත්තල් තෑග්ග කුමක්ද?” කියාය.
කඩවසම් පුද්ගලයෙකු පිළිතුරු දීමට උනන්දු විය.
“එය පහසුයි” ඔහු තම මිතුරා දෙස බලා පැවසීය. වසර කිහිපයකට පෙර මම විශ්ව විද්‍යාලයෙන් පිටවී කල්පනා කළේ වෘත්තීමය පාපන්දු ක‍්‍රීඩකයෙකු ලෙස මා පත්වේය කියාය. නුමුත් එය සිදු නොවීය. මම කෝප වුනෙමි. තිත්තකම මාගේ ශරීරය කා දැමීය. මට උපකාර කිරීමට උත්සාහ කරන සියල්ලන්ට එම තිත්තකම මම පිටකලෙමි.
“පාපන්දු නැතිව දෙවන වාරයද පැමිණියේය. මෙයාගේ සභාවට මම ගියා නත්තල් නාට්‍යයක් බලන්න”. ඔහු තම මිතුරා පෙන්වා කීවේය. “මට යේසුස්වහන්සේ අවශ්‍ය නිසා නොවේ, මාගේ ඥාති දියණිය රඟපානවා බලන්න. නුමුත් වුන දේ විස්තර කරන්න අමාරුයි.
ඒක මෝඩ වැඩක් වගේ. නුමුත් එම නාට්‍යය මැදදී මට ඕන වුනා යේසුස්වහන්සේ වටකරගෙන සිටින ඒ දේවදූතයන් සහ එඬේරුන් සමඟ සිටින්න. ඔවුන් ‘නිසල රෑ’ ගායනා කර අවසන් වන විට මම අඬන්න පටන්ගත්තා.
ඒ රාත‍්‍රියේ තමයි මට හොඳම නත්තල් තෑග්ග ලැබුනේ”. නැවත මිතුරා දෙසට අත දිගුකර ඔහු කීවේ “මෙයා එයාගේ පවුලේ අය ගෙදර ඇරලල මට යේසුස්වහන්සේ ගැන කියන්න නැවතුනා”.
මේ නත්තලේ යේසුස්වහන්සේගේ කථාන්දරයේ සරල ප‍්‍රීතිය, උන්වහන්සේව දැනගන්නා පිණිස අප සිත් සසල කරත්වා! ― රැන්ඩි කිල්ගෝර්
1 ලේකම් 16:8
ස්වාමීන්වහන්සේට ස්තුතිකරව්, උන්වහන්සේගේ නාමය කියා යාච්ඤාකරව්; ජනයන් අතරේ උන්වහන්සේගේ ක්‍රියා දන්වව්.