අනුග‍්‍රහයේ ත්‍යාගය: ගැළවීම මා වෙනස් කරයි.
“බලව කඳු අතරින් පණිවුඩකරුවෙකු එන්නේය. ඔහු සාමයේ පණිවුඩයක් ගෙනෙන්නේය”. – නාහුම් 1:15
අන්තර්ජාලය, රූපවාහිනිය, ගුවන්විදුලිය සහ ජංගම උපකරණ ලොව වටා ප්‍රවෘත්ති වලින් අප පුරවා දමන්නේය. බහුතරය පෙන්වන්නේ වැරදිය. අපරාධ, ත්‍රස්තවාදය, යුද්ධ සහ ආර්ථික පීඩාය. නමුත් දුකෙහි සහ බලාපොරොත්තු සුන්වීමේ අදුරුම අවස්ථාවල යහපත් ආරංචි ලැබෙන කාලයක් තිබේ. පරාර්ථකාමී ක්‍රියා සම්බන්ධ කථා, වෛද්‍ය සොයා ගැනීමක්, යුද්ධ ඇති ස්ථානවල සාමයට පියවරක් යනාදියයි.
ගැටුම් වලින් පීඩාවට පත්ව සිටි සෙනඟට පරණ ගිවිසුමේ මිනිසුන් දෙදෙනෙකුගේ වචන විශාල බලාපොරොත්තුවක් ගෙන ආවේය. බලවත් කෲර රාජ්‍යයකට පැමිණෙන දෙවියන්වහන්සේගේ විනිශ්චය විස්තර කරන නමුත් නාහුම් පැවසුවේ “බලව කඳු අතරින් පණිවුඩකරුවෙකු එන්නේය. ඔහු සාමයේ පණිවුඩයක් ගෙනෙන්නේය” (නාහුම් 1:15), කියාය. කෲරත්වයෙන් පෑගී සිටි සියල්ලන්ට ඉන් බලාපොරොත්තුව පැමිණියේය.
ඊට සමාන පැතිකඩක් යෙසායා පොතෙහි ඇත. “ශුභාරංචිය ගෙනෙන්නාවූ, සමාදානය ප්‍රකාශකරන්නාවූ, යහපත ගැන හොඳ ආරංචි ගෙනෙන්නාවූ, ගැළවීම ප්‍රකාශකරන්නාවූ: නුඹේ දෙවියන්වහන්සේ රජකම්කරනසේකැයි සියොන්ට කියන්නාවූ තැනැත්තන්ගේ පාද කඳු පිට කොපමණ අලංකාරද!”. (යෙසායා 52:7)
නාහුම් සහ යෙසායාගේ බලාපොරොත්තුවේ අනාවැකි පළමු නත්තලේදී ඉෂ්ඨ විය. ඒ දේවදූතයා එඬේරුන් හට “භය නොවන්න බලව මුළු සෙනගට මහත් ප්‍රීති උපදවන යහපත් ආරංචි නුඹලාට ගෙනෙමි-ක්‍රිස්තුස් නම් ගැළවුම්කාරයෙක් නුඹලාට දාවිත්ගේ නුවර උපන් සේක” (ලූක් 2:10-11), කියන විටය.
අපගේ ජීවිතයේ සෑම දිනම තිබෙන කියවී ඇති හොඳම ප්‍රවෘත්තිය ක්‍රිස්තුස්වහන්සේ නම් ගැළවුම්කරුවාණන් උපන්නේය! යන්නය. ඩේවිඩ් මැකස්ලන්ඩ්
බෙත්ලෙහෙම්හිදී දෙවියන්වහන්සේගේ ප්‍රේමය ජීවමාන විය.
අද දින බයිබල් කියවීම: නාහුම් 1:1-15
1නිනිවය පිළිබඳ දිව්‍ය ප්‍රකාශනයය. එල්කොෂියවූ නාහූම්ගේ දර්ශනයේ පොතය. 2 ස්වාමීන්වහන්සේ ස්වකීය ගෞරවය රක්ෂාකරන්නාවූ පළිගන්න දෙවිකෙනෙක්ය; ස්වාමීන්වහන්සේ පළිගන්නාවූ, උදහසින් පූර්ණවූ කෙනෙක්ය; ස්වාමීන්වහන්සේ තමන්ගේ එදිරිකාරයන්ගෙන් පළිගන්නාසේක, තමන්ගේ සතුරන්ට උදහස තබාගන සිටින සේක. 3 ස්වාමීන්වහන්සේ ඉවසිලිවන්තව බලයෙන් මහත්ව සිටිනසේක, වරදකාරයන් කොයි ප්‍රකාරයකින්වත් නිදොස් නොකරනසේක. ස්වාමීන්වහන්සේගේ මාර්ගය සුළිහුළඟෙහිද කුණාටුවෙහිද ඇත්තේය, වලාකුල් උන්වහන්සේගේ පාදවල ධූලිය. 4 උන්වහන්සේ මුහුදට තරවටුකොට, හින්දවා, සියලු ගංගාද හින්දවනසේක. බාෂාන්ද කර්මෙල්ද මැලවෙති, ලෙබනොන්හි දළුත් මැලවෙති, 5 කඳු උන්වහන්සේට භයින් වෙවුලති, හෙල්ද දියවෙති; උන්වහන්සේ ඉදිරියෙහි පොළොවද ලෝකය සහ එහි වාසයකරන සියල්ලෝද කම්පාවෙති. 6 උන්වහන්සේගේ කෝපය ඉදිරියෙහි සිටින්ට පුළුවන් කාටද? උන්වහන්සේගේ බලවත් උදහසේදී පවතින්නේ කවුද? උන්වහන්සේගේ කෝපය ගිනි මෙන් වැගිරෙන්නේය, පර්වතද උන්වහන්සේ ඉදිරියෙහි කඩාවැටෙන්නේය.
7 ස්වාමීන්වහන්සේ යහපත්ය, විපත්ති දවසේදී බලකොටුවක්ය; උන්වහන්සේ තමන් කෙරේ විශ්වාසය තබන්නන් දන්නාසේක. 8 නුමුත් ගලායන ජලගැල්මකින් උන්වහන්සේ තමන්ගේ එදිරිකාරයන් සහමුලින්ම විනාශකරනසේක, තමන්ගේ සතුරන්ද අන්ධකාරයට පන්නාදමනසේක. 9 [අෂූර්වරුනි,] නුඹලා ස්වාමීන්වහන්සේට විරුද්ධව කුමක් යෝජනාකරන්නහුද? උන්වහන්සේ මුළුමනින්ම තීන්දුවක් කරනසේක. විපත්තිය දෙවරක් නොපැමිණෙන්නේය. 10 මක්නිසාද ඔව්හු කටු ගස් වාගේ පටලැවී, තමුන්ගේ සුරාපානයෙන් පෙඟී සිටියත්, හොඳට වේළී තිබෙන ඉපනැලි මෙන් දාලායන්නෝය. 11 ස්වාමීන්වහන්සේට විරුද්ධව නපුර යෝජනාකරන්නාවූ, දුෂ්ටකම් ගැන මන්ත්‍රණයකරන්නාවූ කෙනෙක් නුඹෙන් නික්ම ආයේය. 12 ස්වාමීන්වහන්සේ මෙසේ කියනසේක: ඔවුන් සම්පූර්ණව එපමණ වැඩිව සිටින නුමුත් ඔවුන් එසේ කපාදමනු ලැබ, ඔහුද පහවීයන්නේය. [යූදා,] මම නුඹට පීඩාකළ නුමුත් තවත් නුඹට පීඩා නොකරන්නෙමි. 13 දැන් මම ඔහුගේ වියගහ නුඹ කෙරෙන් බිඳදමා, නුඹේ බැඳුම් කඩාදමන්නෙමි. 14 [අෂූරියයා,] නුඹ ගැන ස්වාමීන්වහන්සේ මෙසේ අණකළසේක: නුඹේ නාමය තවත් පැවත නොඑන්නේය. මම නුඹේ දෙවිවරුන්ගේ ගෘහයෙන් කැපූ රූපයත් වාත්තු රූපයත් සිඳදමා, නුඹ නීච නිසා නුඹේ මිනීවළ පිළියෙළකරන්නෙමි. 15 අන්න, ශුභාරංචි දන්වන්නාවූ, සමාදානය ප්‍රකාශකරන්නාවූ අයගේ පාද කඳු පිට එති! එම්බා යූදා, නුඹේ මංගල්‍යවල් පවත්වා නුඹේ බාරවල් ඉෂ්ටකරන්න. මක්නිසාද දුෂ්ටයා නුඹ මැදින් තවත් නොඑන්නේය; ඔහු සහමුලින්ම සිඳදමනු ලැබීය.
වැඩි විස්තර සඳහා අනුග‍්‍රහයේ ත්‍යාගය මුල් පිටුවට පිවිසෙන්න.