වැඩිහිටියන්ගේ මිත්‍රකම සම්බන්ධ ලාභ නොලබන සංවිධානයක් ආරම්භ කිරීමට කිසිදා සැළසුම් කර නොතිබුණෙමි. නමුත් එසේ කිරීමට කැඳවීමක් ලැබුණු විට මට බොහෝ ප්‍රශ්න තිබුණි. එම පුණ්‍ය කටයුත්තට මුදල් ලැබෙන්නේ කෙසේද? එය ගොඩ නැගීමට උපකාර කරන්නේ කව්ද? එම කාරණයේදී මගේ විශාලතම උපකාරය පැමිණියේ ව්‍යාපාර පොත් වලින් නොව බයිබලයෙනි.

යමක් ගොඩ නැගීමට කැඳවීමක් ලබා ඇති සියල්ලන්ම එස්රා පොත කියවීම අත්‍යාවශ්‍යය වන්නේය. විප්‍රවාසයෙන් පසු යුදෙව්වන් යෙරුසලම ගොඩ නැගූ ආකාරය එහි දැක්වේ. පුද්ගලික ආධාර සහ රජයේ දීමනා තුළින් දෙවියන්වහන්සේ මුදල් සැපයූ ආකාරය ගැනද (එස්රා 1:4-11; 6:8-10) ස්වෙච්ඡා සේවකයන් සහ කොන්ත්‍රාත් කරුවන් වැඩ කළ ආකාරය ගැනද (1:5; 3:7) එහි සඳහන් වන්නේය. සුදානම් වීමේ කාලයක ඇති වැදගත්කමද එහි දැක්වෙන්නේය. ඒ නැවත පැමිණිමෙන් වසර දෙකක් යන තුරු ගොඩනැගීම පටන් නොගැනීමෙනි (3:8). විරුද්ධවාදීකම් පැමිණිය හැකි බවද එය පෙන්වයි (4 පරිච්ඡේදය). නමුත් කථාවේ එක දෙයක් මගේ සිතට වැදුණි. කිසිම ගොඩනැගිල්ලක් ආරම්භ වීමට වසරකට පෙර යුදෙව්වෝ පුජාසනයක් ගොඩ නැගූහ (3:1-6). සෙනග නමස්කාර කළත් මාළිගාවේ අත්තිවාරම ඒ වන තෙක් නොදමන ලද්දේය (6 පදය). නමස්කාරය පළමුවෙන් පැමිණියේය.

අලුතින් යමක් ආරම්භ කරන්න දෙවියන්වහන්සේ ඔබව කැඳවන්නේද? ඔබ සමාජ සේවයක් බයිබල් අධ්‍යයනයක් නිර්මාණශීලි ව්‍යාපෘතියක් හෝ කාර්යාලයේ යම් අලුත් දෙයක් ආරම්භ කරන්න යන්නේ නම් එස්රාගේ නියමය සිත් කාවදින එකක් වන්නේය. දෙවියන්වහන්සේ දෙන ලද ව්‍යාපෘතියකට වූවත් අපගේ අවධානය උන්වහන්සේගෙන් ඉවතට ගත හැකිය. එම නිසා පළමුව දෙවියන්වහන්සේ කෙරෙහි අවධානය යොමු කරමු. වැඩ කිරීමට පෙර නමස්කාර කරමු.