ඔහුගේ භූ දර්ශන තෙල් සිතුවම්වල පරාවර්තක ආලෝකයේ සුන්දරත්වය ග්‍රහණය කර ගැනීම සඳහා කලාකරු ආර්මන්ඞ් කබ්‍රේරා ප්‍රධාන කලාත්මක මූලධර්මයක් සමඟ ක්‍රියා කරයි: “පරාවර්තන ආලෝකය කිසි විටෙකත් එහි මුල් ආලෝකය තරම් ශක්තිමත් නොවේ.” නවක චිත්‍ර ශිල්පීන් පරාවර්තක ආලෝකය ඕනෑවට වඩා නැංවීමට නැඹුරු වන බව ඔහු නිරීක්ෂණය කරයි. ඔහු පවසන්නේ, “පරාවර්තන ආලෝකය සෙවනැල්ලට අයත් වන අතර, ඒ නිසා ඔබේ සිතුවමේ ආලෝකමත් ප්‍රදේශ සමඟ තරඟ නොකර එයට සහාය විය යුතුය” යනුවෙනි.
“ඒ ජීවනය මනුෂ්‍යයන්ගේ ආලෝකය වූයේය” (යොහන් 1:4) ලෙස යේසුස්වහන්සේ ගැන බයිබලයේ ඒ හා සමාන අවබෝධයක් අපට අසන්නට ලැබේ. යොහන් බව්තීස්ත “කරණකොටගෙන සියල්ලන් විසින් අදහන පිණිස ආලෝකය ගැන සාක්ෂි දෙන්ට ඔහු සාක්ෂි පිණිස ආවේය” (7 පදය). ශුභාරංචි ලේඛකයා අපට පවසන්නේ, “ඔහු ඒ ආලෝකය නොව ඒ ආලෝකය ගැන සාක්ෂි දෙන පිණිස ආ තැනැත්තේය” (8 පදය) යනුවෙනි.
යොහන් මෙන්, අපව දෙවියන්වහන්සේ විසින් තෝරා ගෙන ඇත්තේ නොඇදහිලිවන්ත ලෝකයක සෙවණෙහි ජීවත් වන අයට ක්‍රිස්තුස්වහන්සේගේ ආලෝකය පරාවර්තනය කිරීමට ය. එක් මූලාශ්‍රයක් පවසන පරිදි, “සමහර විට නොඇදහිලිවන්තයන්ට උන්වහන්සේගේ ආලෝකයේ සම්පූර්ණ දිලිසෙන තේජස ප්‍රථමයෙන් දරාගැනීමට නොහැකි නිසා” මෙය අපගේ කාර්ය වන්නේය.
කබ්‍රේරා තම කලා සිසුන්ට උගන්වන්නේ “සෘජු ආලෝකයක් වැටෙන ඕනෑම දර්ශනයක් ආලෝකයේ ප්‍රභවයක් බවට පත්වන” බවයි. ඒ හා සමානව, යේසුස්වහන්සේ සමග “සියලු මනුෂ්‍යයන් ආලෝක කරන්නාවූ සත්‍යවූ ආලෝකය” (9 පදය) ලෙස අපට සාක්ෂිකරුවන් මෙන් බැබළෙන්න පුළුවනි. අප උන්වහන්සේව පිළිබිඹු කරන විට, උන්වහන්සේගේ තේජස අප තුළින් බැබළෙන අයුරු දැකීමෙන් ලෝකය මවිතයට පත් වේවා.
